Mamurjon Akhmatjonov
8 oy avval - 30 Saniye
tr
az
en
kk
ky
uz
ru
tk

O'zbekiston va Eron qo'shma investitsion qo'mitani tashkil etishga kelishib oldi

O

O'zbekiston va Eron qo'shma investitsion qo'mitani tuzishga kelishib oldi, deya xabar beradi Financial Tribune.



O'zbekiston tashqi savdo vaziri Jamshid Xo'jayev va Eronning Investitsiyalar, iqtisodiy va texnik yordam bo'yicha tashkiloti prezidenti Muhammad Xazoiy ikki mamlakatning qo'shma investitsion qo'mitasini tashkil etish to'g'risida e`lon qildi.

Xazoiy qo'shma investitsion qo'mitani tuzish g'oyasini taklif qildi, hamda O'zbekiston tashqi savdo vaziri buni ma`qulladi, deya ta`kidlaydi nashr.

Birgalikdagi ishchi guruh moliyaviy shartnomalar va investitsiyalar doirasida o'zaro hamkorlik qilish uchun «yo'l xaritasini» ishlab chiqishi kerak.

Xo'jayevning aytishicha, O'zbekiston Eronning moliyaviy investitsiyalar bo'yicha qo'shma ishchi guruhi tuzish taklifiga rozi ekanligini aytdi hamda mamlakatda 100 dan ortiq Eron kompaniyalari faoliyat ko'rsatayotganini ta`kidladi.

O'zbekiston Eron bilan to'qimachilik, qurilish, neft sanoati, gigiyena va tibbiyot, shuningdek, qishloq xo'jaligi mahsulotlarini qayta ishlash sohasidagi loyihalarda sanoat hamkorligi uchun «yo'l xaritasini» ishlab chiqishga qaror qildi.